Nagliwanag ang kalangitan sa iba't ibang kulay ng mga pailaw na sinabayan ng musika sa 10th Philippine International Pyromusical Competition sa Clark, Pampanga nitong Sabado.
Sa kabuuan, 10 bansa ang maglalaban-laban tuwing Sabado mula Pebrero 23 hanggang Marso 30.
Watch more in iWant or TFC.tv
Unang nagpamalas ng galing sa color combination at synchronization ang CBF Pyrotechnics mula bansang Belgium nitong Sabado.
Kasali din sa paligsahan ang Germany at Portugal, France at Finland, ang defending champion na Italy kalaban ang United Kingdom, Canada at China pati na ang Poland.
Hindi lumaban ang Pilipinas dahil kinilala na itong hall of famer sa nasabing competition
Ito ang longest-running pyro-musical sa bansa.
Sa nakalipas na 9 na taon, ginaganap ang pyro show sa SM Mall of Asia sa Pasay, pero para magbigay-daan sa Manila Bay rehabilitation, pansamantala itong inilipat sa Clark ngayong taon.
“Now its on its 10th year, of course we are very much thrilled for the Kapampangans, our fellow kabalens for them to witness it, we cannot wait to see for everyone to really witness the world class pyro exhibition coming from the 10 best countries in the world in terms of pyro technics," ani Engr. Junias Eusebio, SM Supermalls assistant vice president for operations ng North Luzon.
Source: https://news.abs-cbn.com/life/02/24/19/pinakamalaking-pyro-show-sa-mundo-umarangkada-sa-clark?fbclid=IwAR16_s5K99is0pjMjXN5SoWTcJVJrvV9wqMbDj_BxPLxE8h8FpqRxCpDPfk
